झापा । अक्सिजन सिलिन्डर बैंक स्थापना गर्न एकका लागि एक अभियानले सुरु गरको ‘एक व्यक्ति एक सिलिन्डर’ सहयोग अभियानअन्तर्गत नेपाल शैक्षिक परामर्श संघ (ईक्यान) झापाको संयोजनमा तीन लाख रुपैयाँ प्रदान गरेको छ ।
ईक्यान झापाले मंगलबार अभियानको सचिवालय सहारा नेपाल केन्द्रीय कार्यालय चारपानेमा २० थान अक्सिजन सिलिन्डरबापतको रकम हस्तान्तरण गरेको हो । ईक्यान झापाका अध्यक्ष सुमन शर्मा जमरकट्टेलले सहयोगी दाताबाट प्राप्त रकम अभियानका संयोजक महोन्द्रकुमार गिरीलाई सो रकमको चेक प्रदान गरेका छन् ।
संघले आग्रह गरेपछि अस्ट्रेलियन हार्बर इन्टरनेसनल कलेजले एक लाख रुपैयाँ सहित अन्य ७३ वटा संस्था तथा ब्यक्तिहरुको सहयोगमा सो रकम हस्तान्तरण गरिएको सचीव मदन बुढाथोकीले बताए । उनले भने- ‘सहयोगी हातहरुले इक्यान लाई मात्र होईन झापालाई यो संकटमा सहयोग गरेको छ।’
परदेशमा रहेर पनि अस्ट्रेलिया बाट यो अभियानलाई सहयोग गर्ने हार्बर कलेजका संञ्चालक सुमन भेट्वाल मात्रिका बिमली र नेपाल रहेका मुकेश धमला सर र थ्री बिज अस्टेलियाका सञ्चालक तिर्थ खतिवडा लगायत प्रती कृतज्ञ रहेको सचीव बुढाथोकीले बताए ।
रकम संकलनका लागि इक्यान केन्द्रीय कार्यसमितिका पदाधिकारी, इक्यान पूर्वाञ्चल, इक्यान चितवन लगयत सम्पूर्ण इक्यानमा आबद्ध संस्थाले सहयोग गरेको ईक्यानका केन्द्रीय सदस्य तथा झापाका सल्लाहकार पुष्पराज भट्टराई, ईक्यान झापाका उपाध्यक्ष मिलन ओली , कोषाध्यक्ष राज कार्की चेक हस्तान्तरण कार्यक्रममा सहभागी थिए ।
अध्यक्ष कट्टेलले अक्सिजन अभावमा कसैले मृत्युवरण गर्ने अवस्था नआओस भनेर सहयोग गरिएको बताए । कार्यक्रममा अभियानका सहसंयोजक विनोद बस्नेत, सदस्य गजेन्द्र पौडेलको सहभागिता थियो । अभियानका सदस्य तथा नेपाल पत्रकार महासंघ झापाका अध्यक्ष एकराज गिरीले कार्यक्रम सञ्चालन गरेका थिए ।
