२ जेष्ठ, झापा । नेपाल बाल संगठन इलामका अध्यक्ष तथा नेकपा एमालेका युवा नेता नवराज शंकरको कोरोना संक्रमणका कारण गएराति निधन भएको छ । उनी एक हप्ताअघि कोरोना संक्रमण पुष्टि भएपछि होम आइसोलेशनमा बस्दै आएका थिए । उनको स्वास्थ्यमा समस्या देखिएपछि विराट नर्सिङ होम विराटनगर लगिएको थियो ।

उनको सोही अस्पतालमा उपचारको क्रममा निधन भएको हो । आफू संक्रमित भएपछि सामाजिक संजाल मार्फत स्वास्थ अवस्था बारे जानकारी गराउदै आएका शंकर ३ दिन यता गंभिर बिरामी परेका थिए । इलामका लोक प्रिय युवा नेताको छवि बनाएका शंकरको निधनले पार्टी र जिल्ला बासीमा ठूलो क्षति पुगेको नेता कार्यकर्ताले बताएका छन् । शंकरलाई सामाजिक संजाल मार्फत ठुलो संख्यामा एमाले नेता, कार्यकर्ताहरु एवम सामाजिक व्यक्तित्वहरुले श्रद्धान्जली दिइरहेका छन ।

Advertisement