झापा । मेचीनगरका दुई जना सहित झापामा थप तिन जना कोरोना संक्रमितको मृत्यु भएको छ । मृत्यु हुनेमा मेचीनगर–१० का एक महिला र  एक पुरुष तथा कचनकवलका एक बृद्ध रहेका छन् ।

मेचीनगर १० स्थित शान्ति चोककी ४० वर्षीया महिला र नन्दा पेट्रोपम्प छेउका ६० वर्षीय पुरुषको कोरोना संक्रमणका कारण मृत्यु भएको हो । महिलाको मेची अस्पताल भद्रपुर र बृद्धको विर्तासिटी अस्पताल बिर्तामोडमा उपचारका क्रममा मृत्यु भएको बडाध्यक्ष सुबेश पनेरुले बताउनुभयो ।

Advertisement

यस्तै ,कचनकवलका एक कोरोना संक्रमित बृद्धको मेची अस्पतालमा आज बिहान मृत्यु भएको छ । कचनकवल ५ का ७० वर्षिय बृद्धको उपचारका क्रममा बिहान ३ बजे मृत्यु भएको अस्पतालले जनाएको छ ।