झापा । वीरता जेसीजले बिर्तामोड नगरपालिकालाई आफ्नो एम्बुलेन्स कोभिड बिरामीका लागी प्रयोग गर्न दिने भएको छ । हाल नगरपालिकाले ४ वटा अटो एम्बुलेन्स तयार गरेको बताएको छ ।
नगरपालिका संग हाल एउटा मात्र एम्बुलेन्स रहेको र कोरोना संक्रमितको संख्या दिनानुदिन बढ्दै गएको अवस्था लाई मध्य नजर गर्दै जेसिजले एम्बुलेन्स नगर लाई उपलब्ध गराउने निर्णय गरेको हो ।
झापामा जिल्ला बाहिर बाट हेलिकप्टर मार्फत संक्रमित बिरामी लाई उपचार गराउन यहाँ ल्याइएपनी जिल्लाबासी भने हेलिकप्टर आकाशमा उडेको हेर्दै बस्न बाध्य छन् ।
स्थानीय सरकारले नगर बासी लाई उद्दार तथा सहयोगका लागि कुनै पहल नगरेको गुनासो बढ्न थालेको छ ।
झापाका कृयाशिल पत्रकार गणेश पोख्रेलले एक्स–रे गर्न अस्पतालले आनाकानी गरेको र अस्पताल सम्म जान एम्बुलेन्स सम्म नपाएको बताएका छन् ।
राज्य बाट कर तथा राजस्व छुटमा ल्याइएका ४० वटा भन्दा बढी एम्बुलेन्स रहेको एम्बुलेन्स सेवा समितिका संयोजक राजेन्द्र चौलागाईंले बताए ,राज्यलाई समस्या पर्दा सहयोग गरेको उनले बताए ।
तर राज्यलाई कर तिरेर सहकारी तथा वितत्तय संस्थाको सहयोगमा मजदुरले जिविकोपार्जनको लागि किनेका अटो भने संक्रमित बिरामीको लागि प्रयोगमा ल्याउने निर्णयले नगर बासी आक्रोशित बनेका छन् ।
उता अर्जुनधारा नगरपालिकाले भने जनप्रतिनिधिले प्रयोग गर्ने सवारीसाधन एम्बुलेन्सको रुपमा प्रयोग गर्ने निर्णय गरिसकेको छ ।
