झापा । सैनिक युथ क्लबलाई हराउँदै आयोजक बुट्टाबारी युनाईटेड क्लब बुट्टाबारिमा सञ्चालीत जिल्ला स्तरिय नकआउट फुटबल प्रतियोगिताको फाईनलमा प्रवेश गरेको छ ।
आज भएको पहिलो सेमिफाईनलमा सैनिकलाई ५–० गोल अन्तरले हराउदै बुट्टाबारिले फाईनलमा स्थान पक्का गरेको हो ।
आयोजकका लागी खेलको १७, २६ र ६४ मिनेटमा बबिन बोहोराले गोल गरेका थिए भने ७४ औ मिनेटमा विजय राई र ७६ मिनेटमा जमिन लक्समले गोल गरेका थिए ।
आजको म्यानअफ द म्याच बुट्टाबारीका बबिन बोहोरा बनेका छन् ।
भोलि हुने दोस्रो सेमिफाईनल खेलमा विर्तामोड युनाईटेड विर्तामोड र जलथल एफसि जलथल विच प्रतिष्पर्धा हुनेछ ।
विर्तामोड नगरपालिका वडा नम्वर ६ र हरियाली सामुदायीक वन उपभोक्ता समितिको सहयोग तथा बुट्टाबारी यूनाईटेड क्लबको आयोजनामा जारी प्रतियोगितामा जिल्लाका आठ वटा फूटवल क्लबले भाग लिएका छन् ।
नाईन साईटमा खेलाईएको सो प्रतियोगिताका विजेताले ५५ हजार र उपविजेताले ३३ हजार नगद तथा ट्रफि पाउनेछन् । प्रतियोगिताको फाईनल खेल आउदो बैशाख २ गते हुनेछ ।
