झापाको बिर्तामोडमा अवस्थित न्यूटन्स एजुकेशन एकाडेमी तथा एभरेष्ट स्मार्ट एजुकेशन एकाडेमीको संयुक्त आयोजनामा विद्यार्थी मूल्याङ्कनका सम्भाव्य तरिका तथा साधनहरु सम्बन्धी एकदिने तालिम आइतबार सम्पन्न भएको छ ।
काठमाडौँ युनिभर्सिटीका प्राध्यापक सन्दिप ढुंगानाले सहजीकरण गरेको तालिममा न्यूटन्स एजुकेशन फाउन्डेसन तथा एभरेष्ट स्मार्ट एजुकेसन एकाडेमी, कञ्चन अंग्रेजी स्कुल, लिङ्कन मन्टेश्वरी, देवकुल अंग्रेजी स्कुल, गोमेन्द्र बिर्ता मोडल स्कुल तथा शिवसताक्षीको पशुपति एकाडेमीको सहभागिता रहेको थियो ।
उक्त तालिममा हिसान झापाका उपाध्यक्ष उत्तम खनाल, हिसान कोशी प्रदेश सदस्य चन्द्र खनाल, लिङ्कन मन्टेश्वरीका सञ्चालक सरोज पौडेल, बिर्तामोड नगर प्याब्सनका सचिव दिपाकर मैनाली, कञ्चन अंग्रेजी स्कुलका प्रिन्सिपल दिपक चम्लागाईं लगायतको आतिथ्यता रहेको थियो ।
न्यूटन्स एजुकेशन एकाडेमीका प्रिन्सिपल देबेन्द्र हुमागाईंले मन्तव्यबाट स्वागत गरेको कार्यक्रमको सञ्चालन शिक्षक सावित्री भट्टराईले गरेकी थिइन् ।
