स्मृति दिवसमा शिक्षासेवी गुरुभक्त न्यौपानेको सम्झना

संवाददाता/ शनिबार, साउन ३०, २०८३

कञ्चनजंघा टोल विकास संस्था बिर्तामोड-४ ले शिक्षासेवी तथा समाजसेवी स्वर्गीय गुरुभक्त न्यौपानेको पहिलो स्मृति मनाएको छ ।

दिवसमा समाजसेवी न्यौपानेको सम्झना गर्दै उनले पुर्‍याएको योगदानको चर्चा गरिएको थियो । टोलबासीले न्यौपानेको अभावले टोलको विकासमा अपुरणीय क्षति पुगेको महसुस गरेका थिए ।

कञ्चनजंघा टोल विकास संस्थाकी अध्यक्ष पुष्पा दाहालको अध्यक्षता तथा बिर्तामोड वडा नं.४ का वडा सदस्य उमेश राउतको आतिथ्यता रहेको कार्यक्रममा सल्लाहकार बद्री भट्टराईले गुरुभक्त सरको भौतिक शरीर हामी माझ नभए पनि उनको योगदान कदापि भुल्न नसकिने बताए ।

परिवारका तर्फवाट डा.केशव न्यौपानेले दु:खमा साथ सहयोग दिएकोमा कञ्चनजंघा टोलवासीलाई धन्यवाद दिएको कार्यक्रमको सञ्चालन संस्थाका सचिव दिपेन्द्र राउतले गरेका थिए ।