झापाको कनकाई-८ लक्ष्मीपुरमा अवस्थित हिमाली माध्यमिक विद्यालय व्यवस्थापन समितिको अध्यक्षमा बौद्धिक तथा प्राज्ञिक क्षेत्रमा परिचित एल.बि.पालुङ्वा सर्वसम्मत चयन भएका छन् ।
आइतबार विद्यालय व्यवस्थापन समितिका जेष्ठ सदस्य तथा कनकाई-८ का वडाध्यक्ष लीलाबहादुर कटुवाल संयोजकत्वमा बसेको बैठकमा अध्यक्ष पदका लागि उनलाई सर्वसम्मतले निर्वाचित गरिएको हो ।
अङ्ग्रेजी र अर्थशास्त्रमा स्नाकोत्तर तह उत्तीर्णपछि अर्थशास्त्रमा एम.फिल.अध्ययन समेत पुरा गरी अहिले पि.एचडी शोध अनुसन्धान तयारीमा जुटेका पालुङ्वा अध्यक्ष भएसँगै विद्यालयको हरेक क्षेत्रमा विकासको आशा जागेको छ ।
गत असार २५ गते सम्पन्न अभिभावक आम भेलाले विद्यालयको व्यवस्थापन समिति सदस्यमा पालुङ्वालाई मनोनयन गरिएको थियो । हिजो बसेको व्यवस्थापन समितिको बैठकले पालुङ्वाको नेतृत्वमा ७ सदस्यीय विद्यालय व्यवस्थापन समिति गठन प्रक्रिया सम्पन्न गरेको हो ।
समितिको पदेना सदस्यमा कनकाई-८ का वडाध्यक्ष लीलाबहादुर कटुवाल र सदस्य सचिवमा विद्यालयका प्रधानध्यापक ज्ञानबहादुर रायमाझी छन् ।
यस्तै समितिको सदस्यहरुमा अर्जुनमणि निरौला, सिता मिश्र कट्टेल, निशा शेर्मा पाहिम र शिक्षक प्रतिनिधिका रुपमा थामनारायण गिरी सर्वसम्मत चयन भएका छन् ।
