झापाको हल्दीबारी गाउँपालिकाले अनुदानमा कार्यरत करार कर्मचारी हटाउने भएको छ ।

पालिकाले आउँदो १ साउनदेखि अनुदानमा तलब भत्ता खाने गरी कार्यरत सबै प्रकारका शिक्षक, कर्मचारी, सुरक्षा गार्ड, सरसफाई कर्मचारी, कार्यालय सहयोगी कर्मचारी हटाउन लागेको हो ।

Advertisement

गाउँपालिकाको २१ औं गाउँ सभाको सर्वसम्मत निर्णय भए अनुसार पालिकाको अनुदानमा तलब भत्ता खाने गरी कार्यरत कर्मचारीलाई हटाउन लागेको जनाइएको छ ।

गाउँपालिकाको २१ औं गाउँ सभाको सर्वसम्मत निर्णय भए अनुसार पालिकाको अनुदानमा तलब भत्ता खाने सबै प्रकारका शिक्षक, कर्मचारी, सुरक्षा गार्ड, सरसफाई कर्मचारी, का.स., अनुदान कोटामा कार्यरत शिक्षकहरुको करार मिति २०८३ श्रावण १ गतेदेखि करार स्वतः समाप्त हुने पालिकाका शिक्षा अधिकृत जनक कुमारी राईले हस्ताक्षर गरिएको पत्रमा उल्लेख गरिएको छ ।