झापाको बिर्तामाडमा अवस्थित इडेन गार्डेन एजुकेसन फाउन्डेसन विद्यालयमा रहेको उज्यालो इडेन बाल क्लब पुन: गठन गरिएको छ ।
क्लबले मंगलबार साधारणसभा गर्दै रोनिशा प्रसाईंको अध्यक्षतामा नयाँ कार्यसमिति सर्वसम्मत चयन गरेको हो ।
त्यस्तै उपाध्यक्षमा विजेता सुब्बा, सचिवमा नोसाङ श्रेष्ठ तामाङ, सहसचिवमा आयुष्मा रसाइली र कोषाध्यक्षमा सगुन माझी सर्वसम्मत निर्वाचित भएका बाल क्लबका फोकल पर्सन गीताराम आचार्यले जानकारी दिए ।
त्यसैगरी सदस्यहरूमा विकल ओली, आश्रेन श्रेष्ठ, मानिष लिम्बु, स्मृति कडरिया, रिवाज बस्नेत, कुशल बस्नेत, आराध्य न्यौपाने, भूमिका चौधरी, अमृता खतिवडा र मनिषा अधिकारी चयन भएका छन् ।
विद्यालयका सीईओ महिम आचार्यको अध्यक्षतामा भएको कार्यक्रमको प्रमुख अतिथि बालबालिका तथा शिक्षा सञ्चार मञ्चका संयोजक सरोज पौडेल रहेका थिए ।
उक्त अवसरमा बोल्दै कार्यक्रमका प्रमुख अतिथि पौडेलले बाल क्लब विद्यार्थीहरूको क्षमता, नेतृत्व र अधिकार सुनिश्चित गर्ने महत्वपूर्ण संरचना भएको बताउँदै क्लबप्रति अपनत्वको भावना विकास गर्न आग्रह गरेका थिए ।
त्यस्तै विद्यालयका सह-प्रधानाध्यापक खेमराज शर्माले झापाका विभिन्न विद्यालयमा गठन भएका बाल क्लबहरूमध्ये उज्यालो इडेन बाल क्लबलाई उदाहरणीय र अब्बल क्लबका रूपमा स्थापित गर्ने विश्वास व्यक्त गरेका थिए ।
