झापाको बिर्तामोडमा अवस्थित न्यूटन्स एजुकेसन एकेडेमी तथा एभरेस्ट स्मार्ट एजुकेसन एकेडेमी स्कुलले संयुक्त रूपमा सञ्चालन गरेको तीन दिवसीय अभिभावक अभिमुखीकरण कार्यक्रम सम्पन्न भएको छ ।
विद्यार्थीहरूको शैक्षिक, नैतिक तथा व्यक्तित्व विकासमा अभिभावकको भूमिकालाई थप प्रभावकारी बनाउने उद्देश्यले आयोजित उक्त कार्यक्रममा न्यूटन्स एजुकेसन एकेडेमी, एभरेस्ट स्मार्ट एजुकेसन एकेडेमी तथा लिङ्कन मन्टेश्वरीका अभिभावकहरूको सहभागिता रहेको थियो ।
एभरेस्ट स्मार्ट एजुकेसन एकेडेमीका प्रधानाध्यापक अनुप शर्माको अध्यक्षतामा भएको समापन समारोहको प्रमुख अतिथि बिर्तामोड नगरपालिका-६ का वडाध्यक्ष सूर्यकुमार कन्दङवा रहेका थिए ।
न्यूटन्स एजुकेसन एकेडेमीका प्रधानाध्यापक देवेन्द्र हुमागाईंले विद्यार्थीलो सर्वाङ्गीण विकासका लागि विद्यालय र अभिभावकबीचको सहकार्य अपरिहार्य रहेको बताउँदै यस्ता कार्यक्रमले शैक्षिक वातावरणलाई थप प्रभावकारी बनाउने विश्वास व्यक्त गरेका थिए ।
कार्यक्रमका प्रमुख अतिथि वडाध्यक्ष सुर्यकुमार कन्दङवाले बालबालिकाको उज्ज्वल भविष्य निर्माणमा अभिभावक, शिक्षक र विद्यालयबीचको समन्वय अत्यन्त महत्वपूर्ण हुने बताए ।
बिर्तामोड नगरपालिकाका शिक्षा अधिकृत जानुका रेग्मी, लिङ्कन मन्टेश्वरीका सञ्चालक सरोज पौडेल लगायतले शुभकामना मन्तव्य व्यक्त गर्दै विद्यार्थीको शैक्षिक सफलता र व्यक्तित्व विकासका लागि अभिभावकको सक्रिय भूमिका आवश्यक रहेकोमा जोड दिएका थिए ।
उक्त अभिभावक अभिमुखीकरण कार्यक्रमका उत्प्रेरक वक्ताका रूपमा डा.रविन कटुवाल रहेका थिए ।
उनले तीन दिनसम्म अभिभावकहरूलाई सकारात्मक अभिभावकत्व, बाल मनोविज्ञान, पारिवारिक वातावरणको प्रभाव, अध्ययनमा अभिभावकको भूमिका तथा बालबालिकाको सर्वाङ्गीण विकासका विविध पक्षबारे प्रशिक्षण तथा उत्प्रेरणामूलक सहजीकरण गरेका थिए ।
उक्त अभिमुखीकरण कार्यक्रमले अभिभावकहरूलाई बालबालिकाको शैक्षिक उपलब्धि, अनुशासन, व्यवहारिक विकास तथा भविष्य निर्माणमा आफ्नो भूमिकाबारे थप सचेत र जिम्मेवार बनाउन महत्वपूर्ण योगदान पु¥याएको आयोजकले जनाएको छ ।
