अफगानका लाखौं बालबालिकाले चरम गरिबीको कारण विद्यालय छोडेर इँटा भट्टी, बजार, निर्माण लगायतका स्थानमा बालश्रम गरिरहेको पाइएको छ ।
लााखौँ अन्य अफगान बालबालिकाको सफा लुगा लगाउने र हरेक दिन विद्यालय जाने सपना देख्छन् । तर जीवन बचाउनका लागि काम गर्न बाध्य भएको सिन्ह्वाले जनाएको छ ।
अफगानिस्तानमा चलेको दशकौं लामो युद्ध र अन्तर्राष्ट्रिय प्रतिबन्धले अर्थतन्त्रलाई सिथिल बनाउनुका साथै चरम गरिबी र बेरोजगारी बढेको जनाइएको छ । सङ्कटले बालबालिकासहित लाखौं अफगानलाई आफ्नो घर शिक्षा त्यागी परिवारलाई बचाउन इँटा भट्टी सडक मर्मत लगायतका उपलब्ध काम गर्न बाध्य पारेको जनाएको छ ।
ग्लोबल च्यारिटीका अनुसार सेभ दी चिल्ड्रेनले मार्चमा जारी गरिएको एकीकृत खाद्य सुरक्षा चरण वर्गीकरण(आइपिसी)को तथ्याङ्कमा लगभग हरेक तीन जना मध्ये एक अफगान बालबालिका गम्भिर भोकमरीको सामना गरिरहेका छन् ।
यसैगरी पाँच वर्ष मुनिका ३७ लाख बालबालिका उच्च कुपोषणमा छन् । एजेन्सीले सर्वेक्षण गरेका दुई तिहाइ बच्चामा पातलोपन र न्युन वृद्धि विकास लक्षण देखा परेका थिए ।
अफगानिस्तानमा बालबालिका जुत्ता सफा गर्ने, कार धुने, सामान बेच्ने, धातुको कार्यशाला गार्मेन्ट कारखाना, निर्माण-कार्य जस्ता खतरनाक खानीमा समेत काम गर्न बाध्य भएको उल्लेख गरिएको छ । श्रम तथा सामाजिक मामिला मन्त्रालयले राजधानी काबुलसहित अफगानिस्तानका ३४ वटा प्रान्तमा कठिन काममा संलग्न अनाथ र कमजोर बालबालिकाका लागि प्रशिक्षण केन्द्र स्थापना गरेको मन्त्रालयको प्रवक्ता सामिउल्लाह इब्राहिमीले बताए ।
गत वर्ष मन्त्रालयले अनाथ तथा एकल बच्चासँग सम्बन्धित करिब १३ हजार ५०० वटा सवाललाई सम्बोधन गरी उनीहरूको कल्याण र रक्षा गर्न आवश्यक सहयोग र प्रदान गरेको इब्राहिमीलाई उदृत गर्दै सिन्ह्वाले जनाएको छ । शिक्षाबाहेक तालिम केन्द्रले बालबालिकाको स्वास्थ्य, खाना, कपडा र आवासलगायत सबै आवश्यकतामा ध्यान दिएको उनले बताएका छन् ।
