झापाको बिर्तामोड-५ स्थित न्युटन्स एजुकेशन एकेडेमीका प्रिन्सिपल देवेन्द्र हुमागाईंले आफ्नो जन्मोत्सवको अवसर पारेर विद्यार्थीहरूलाई शैक्षिक तथा खेलकुद सामग्री वितरण गरेका छन् ।
आज एक औपचारिक कार्यक्रमका बीच झापाको अर्जुनधारा-६ मा रहेको बालकल्याण आधारभूत विद्यालयमा अध्ययनरत कक्षा १ देखि ५ सम्मका १५ जना विद्यार्थीहरूलाई स्कुल ब्याग, कापी, कलम तथा विभिन्न खेलकुद सामग्री हस्तान्तरण गरिएको हो ।
कार्यक्रमका प्रमुख अतिथि बिर्तामोड नगरपालिका-२ का वडाध्यक्ष किशोर कुमार पौडेलले जन्मदिनजस्ता व्यक्तिगत अवसरलाई सामाजिक उत्तरदायित्वसँग जोडेर बालबालिकाको शिक्षामा योगदान पु¥याउनु अनुकरणीय कार्य भएको बताए । उनले यस्ता गतिविधिले समाजमा सकारात्मक सन्देश प्रवाह गर्नुका साथै शिक्षा क्षेत्रमा सहयोग र सहकार्यको भावना विकास गर्न मद्दत पुग्ने धारणा व्यक्त गरेका थिए ।
सो अवसरमा प्रिन्सिपल हुमागाईंले आफ्नो जन्मोत्सवलाई भड्किलो रूपमा मनाउनुभन्दा बालबालिकाको शैक्षिक उन्नयनमा सहयोग पु¥याउने उद्देश्यले सामग्री वितरण गरिएको बताए । उनले विद्यार्थीहरूको अध्ययनप्रति रुचि बढाउने तथा खेलकुद गतिविधिमा समेत प्रोत्साहन गर्ने उद्देश्यले शैक्षिक सामग्रीसँगै खेलकुद सामग्री प्रदान गरिएको उल्लेख गरेका थिए ।
बालकल्याण आधारभूत विद्यालयका प्रधानध्यापक डम्बर यादवले आफ्नो विद्यालयलाई छनोट गरि विद्यार्थीहरुलाई शैक्षिक सामाग्री वितरण गरेकोमा धन्यवाद दिएका थिए ।
न्युटन्स एजुकेसन एकेडेमीका डाईरेक्टर आशिष प्रसाईं, बिर्तामोड नगर प्याब्सन प्याब्सन सचिव दिपाङ्कर मैनाली, सहकोषध्यक्ष दीपक चम्लागाईं लगायत विद्यार्थी, शिक्षक, शिक्षासेवीहरुकोे उल्लेखनीय उपस्थिति रहेको कार्यक्रमको सहजीकरण लिङ्कन मन्टेश्वरीका सञ्चालक सरोज पौडेलले गरेका थिए ।
