झापाको बिर्तामोड-३ मा अवस्थित महेन्द्र रत्न माध्यमिक विद्यालय व्यवस्थापन समितिको अध्यक्षमा श्रीप्रसाद न्यौपाने चयन भएका छन् ।

नेपाल सरकारले मौजुदा शिक्षा व्यवस्थामा अध्यादेश जारी गरी गरेको नयाँ व्यवस्था अनुसार २०८१ माघमा गठन भएको विद्यालय व्यवस्थापन समितिको पुनर्गठन गरिएको हो ।

Advertisement

व्यवस्थापन समितिको अध्यक्षको पदमा रहेर एक वर्ष सेवा गरेका हरिचरण शिवाकोटी तथा जग्गादाता परिवारबाट सदस्यमा मनोनित एलिसा चौधरीलाई विद्यालय व्यवस्थापन समितिको बैठकबाट धन्यवाद ज्ञापन गर्दै सदस्य न्यौपानेलाई अध्यक्षको जिम्मेवारी प्रदान गरिएको छ ।

अध्यक्षको जिम्मेवारी सम्हाल्दै विद्यालयमा विद्यार्थी, शिक्षक र अभिभावक बीचको सम्बन्ध अझ सुमधुर बनाउँदै लैजाने न्यौपानेले प्रतिवद्धता व्यक्त गरेका छन् ।