झापामा ७०.४५ प्रतिशत विद्यार्थीले माध्यमिक शिक्षा परीक्षा (एसईई) उत्तीर्ण गरेका छन् ।
एसईई २०८२ को नतिजा अनुसार जिल्लामा १० हजार ८३० जना विद्यार्थी उत्तीर्ण भएका छन् भने ४ हजार ५४२ जना विद्यार्थी ननग्रेडेड भएका हुन् ।
राष्ट्रिय परीक्षा बोर्डले सार्वजनिक गरेको नतिजा अनुसार जिल्लाको समग्र उत्तीर्ण प्रतिशत ७०.४५ रहेको छन् भने २९.५४ प्रतिशत विद्यार्थी ननग्रेडेड भएका छन् ।
यस वर्ष झापामा ४.०० जीपीए प्राप्त गर्ने १० सामुदायिक विद्यालयबाट १४ जना र २९ संस्थागत विद्यालयबाट ४२ जना विद्यार्थी रहेका छन् । कुल ५६ जना विद्यार्थीले ४.०० जीपीए प्राप्त गरेको शिक्षा विकास तथा समन्वय इकाई झापाले जनाएको छ ।
ग्रेड अनुसारको विवरण हेर्दा ३.६० देखि ४.०० जीपीएसम्म ल्याउने विद्यार्थी संख्या १ हजार ८११ जना अर्थात ११.७८ प्रतिशत रहेको छ ।
यस्तै ३.२० देखि ३.६० जीपीए ल्याउने ३ हजार ४२७ जना अर्थात २२.३० प्रतिशत, २.८० देखि ३.२० जीपीए ल्याउने ३ हजार ५४६ जना अर्थात २३ प्रतिशत, २.४० देखि २.८० जीपीए ल्याउने १ हजार ८५५ जना अर्थात १२ प्रतिशत र २.०० देखि २.४० जीपीए ल्याउने १९१ जना अर्थात १.२५ प्रतिशत रहेका छन् ।
