रेगन प्रसाईंद्वारा निर्देशित हाम्रो सामुदायिक वन लघु चलचित्र आगामी चैत २८ गते प्रदर्शन हुने भएको छ ।
झापाको अर्जुनधारा-१ स्थित हलुवागढ सामुदायिक वनमा छायांकन गरिएको भिडियो सोही स्थानमा प्रदर्शन गरिने निर्देशक रेगन प्रसाईंले जानकारी दिए ।
उक्त चलचित्र कोशी प्रदेशका विभिन्न जिल्लाहरुमा प्रदर्शन गरिने निर्देशक प्रसाईंले बताए ।
लघु चलचित्रमा वन सम्बन्धि विषय प्रस्तुत गरिएको हलुवागढ सामुदायिक वनका अध्यक्ष चक्रबहादुर तामाङले जानकारी दिए ।
कृष्ण अनमोलको कथा रहेको चलचित्रको छायांकन तथा सम्पादन ज्ञानेन्द्र कोइराला र तिलक रिजालले गरेका हुन् ।
अभिषेक प्रसाईं, चक्रबहादुर तामाङ र मनिका आचार्य निर्माता रहेको चलचित्रमा दिलिपकुमार योङहाङ (हिलिहाङ), ज्ञानु कोइराला, उमेश पौडेल, ज्ञानु श्रेष्ठ, कुलविक्रम तामाङ, धनुष महतो, मथुरा तामाङ, मनिका आचार्य, चक्रबहादुर तामाङ, गोपी पौडेल (झापाली टुपी), रमा भट्टराई, सुदिप खवास, सुलभ तामाङ, नरेन्द्र उप्रेती, दिपक थेगिम, सुमन इक्रास, लोकनाथ ढकाल, अनिता अधिकारी आचार्य, टङ्क बराल, महेन्द्र आचार्य, गोपाल खड्का र खुसी विश्वकर्मा लगायतको भुमिका रहेको छ ।
