झापाको अर्जुनधारा नगरपालिका-७ स्थित रुपरत्न मेमोरियल बोर्डिङ स्कूलको आयोजनामा मंगलबार विभिन्न विधामा उत्कृष्ट हुने विद्यार्थीहरुलाई पुरस्कार वितरण गरिएको छ ।
विद्यालयकी प्रधानाध्यापक एवम् विद्यालय व्यवस्थापन समितिकी सदस्य सचिव नम्रता गिरीको अध्यक्षतामा आयोजित कार्यक्रममा गत शैक्षिक वर्ष २०८१ का कक्षा नर्सरीदेखि कक्षा-९ सम्मका प्रथम, द्वितीय र तृतीय हुन सफल विद्यार्थी, गत शैक्षिक वर्ष २०८१ का एसईई परीक्षामा उत्र्तीण हुन सफल विद्यालयका उत्कृष्ट १० जना विद्यार्थी र विभिन्न विधाका उत्कृष्ट विद्यार्थीहरुलाई पुरस्कृत गरिएको थियो ।
जसअनुसार गत शैक्षिक वर्ष २०८१ का एसईई परीक्षामा उत्र्तीण हुन सफल विद्यार्थी क्रिस्टिना चौहन, प्रास्ना भट्टराई, अमिसा घिमिरे, प्रीन्सा रिजाल, धीरज गिरी, विश्वास कार्की, रोजिना भारती, निर्जला गिरी, अनमोल गिरी र प्रतीक्षा लुँइटेल रहेका छन् ।
त्यसैगरी उत्कृष्ट विद्यालय सभा सम्बन्धी गतिविधितर्फ कक्षा-५ ‘ए’, उत्कृष्ट हस्तलेखन अन्र्तगत कक्षा-६ र ७ तर्फ सुरज प्रधान, कक्षा-४ र ५तर्फ रोमन अधिकारी र कक्षा-२ र ३तर्फ ग्रेस श्रेष्ठ र दीपशिखा कार्की, सरसफाइ तर्फ इसाराङ घले कक्षा-३ ‘ए’, आरुस कालीकोटे कक्षा-२ ‘ए’ र साहना ढुंगाना कक्षा-१ ‘ए’, उत्कृष्ट स्वयंसेवक पुरस्कार कक्षा-९ का आयुष चापागाईं र कैलाश कार्की पुरस्कृत भएका छन् ।
सोही कार्यक्रममा विद्यार्थीका अभिभावकहरुलाई लक्षित गरि म्युजिकल चेयर र बेलुन फुटाउने खेल सञ्चालनसँगै प्रथम, द्वितीय र तृतीय हुने अभिभावकलाई पुरस्कृत गरिएको थियो । प्रधानाध्यापक गिरीसँगै विद्यालयका इञ्चार्ज जीवन लिम्बू, संयोजक सन्तोष राई लगायतले विद्यार्थीहरुलाई पुरस्कार वितरण गरेको कार्यक्रममा प्रधानाध्यापक गिरीले विद्यालयको वर्तमान गतिविध एवम् भावी रणनीति बारे जानकारी गराएकी थिइन् ।
शिक्षक नारायण पोख्रेलले स्वागत मन्तव्य राखेको कार्यक्रमको सञ्चालन शिक्षक प्रज्वल भट्टराईले गरेका थिए ।
