झापाको बुद्धशान्तिमा अवस्थित कर्णाली एजुकेशन फाउण्डेशनले विद्यालयमा अध्ययनरत विद्यार्थी साजन गदाइलीको उपचारमा आर्थिक सहयोगसँगै विद्यालयलाई बुझाउनुपर्ने बाँकी शुल्कमा छुट गरेको छ ।

कक्षा १० मा अध्ययनरत साजन विगत दुई महिनादेखि अस्वस्थ रहेका थिए । हाल भने उनको स्वास्थ्य अवस्थामा क्रमश: सुधार हुँदै गएको विद्यालयले जनाएको छ ।

Advertisement

विद्यालय परिवार शुक्रबार उनकै घरमा पुगेर मानवीय सहानुभूति र सहयोग स्वरूप ३२ हजार ३०० नगद सहयोग प्रदान गर्नुका साथै उनले विद्यालयलाई बुझाउनुपर्ने १३ हजार ५२० शुल्क पनि छुट गरेको हो ।

आगामी चैत १९ गतेदेखि सुरु हुने एसईई परीक्षामा साजन सहभागी हुन सक्षम हुने विद्यालयले आशा र विश्वास लिएको विद्यालय प्रशासनले सामाजिक सञ्जालमार्फत जानकारी दिएको छ ।