झापाको बिर्तामोड-५ मा अवस्थित कोहेड एजुकेसन फाउन्डेसनको ३१ औ वार्षिक उत्सव विविध कार्यक्रमका साथ सम्पन्न भएको छ ।
विद्यालय व्यवस्थापन समितिका अध्यक्ष कमल गुरागाईँको अध्यक्षतामा भएको कार्यक्रममा लिला उदासीको प्रमुख आतिथ्यता रहेको थियो ।
उक्त अवसरमा विविध सांस्कृतिक कार्यक्रम प्रस्तुत हुनाका साथै विद्यार्थीले तेक्वान्दो र कराँते प्रदर्शन गरेका थिए ।
कार्यक्रममा प्रमुख अतिथि उदासी, बिर्तामोड नगर शिक्षा प्रमुख तिलचन भण्डारी,ओम विमली लगायतले शुभकामना मन्तव्य राखेका थिए ।
कार्यक्रममा शिक्षाविद् उमानाथ ओली, विद्यालयका संस्थापक केशव प्रसाईं, प्याब्सन झापा वरिष्ठ उपाध्यक्ष हरीकृष्ण पाठक, प्याब्सन बिर्तामोड नगर कमिटी सचिव दिपाङ्कर मैनाली, कोषाध्यक्ष प्रमिला बजगाई, सह-कोषाध्यक्ष दिपक मैनाली, सदस्य कुलदिप घिमिरे, पुन्य उप्रेती, बालबालिका तथा शिक्षा सञ्चार मञ्चका संयोजक सरोज पौडेल, सन्देश ओली लगायतको उपस्थिति रहेको थियो ।
विद्यालयमा पठनपाठन बाहेक विभिन्न अतिरिक्त क्रियाकलापमा समेत विद्यार्थीहरुलाई सहभागीता गराउने गरिएको प्रधानाध्यापक कमल तिम्सिनाले जानकारी दिए ।
