राष्ट्रिय प्रजातन्त्र पार्टी (राप्रपा) का तर्फबाट झापा क्षेत्र नं.४ बाट उम्मेदवार बनेका भक्तिप्रसाद सिटौला भोट माग्न गाउँ-गाउँमा पुग्दा मतदाताहरु निकै उत्साहित देखिएका छन् ।
झापा निर्वाचन क्षेत्र नं.४ अन्तर्गत शिवगञ्ज, लालपानी, वैंक डाँडा, शरणामतीका विभिन्न टोलमा आइतबार घरदैलोमा पुग्दा मतदाताले आफूहरुले खोजेको जस्तो उम्मेदवार बल्ल पाएको प्रतिक्रिया दिएका थिए ।
मतदाताले उम्मेदवार सिटौलालाई अँकमाल गर्दै पछिल्लो समय विदेशी शक्ति हावी भइरहेको बताउँदै राष्ट्र र हिन्दु धर्म बचाउन राप्रपा जस्तो राष्ट्रवादी पार्टी देशको हितका लागि आवश्यक रहेको बताएका थिए ।
शालिन तथा जनताका सुखदुःखमा भिजेका सिटौलाले यसअघि कोशी प्रदेशको मन्त्री बनेको छोटो समयमै उल्लेखनीय कामहरु गरेका थिए ।
यसैबीच शिवसताक्षी नगरपालिका वडा नं.५ मा पार्टी कार्यकर्ता भेटघाट कार्यक्रमलाई सम्बोधन गर्दै सिटौलाले आफू खोक्रो भाषण गरेर जनतालाई झुक्याउने उम्मेदवार भन्दा पनि काम गरेर देखाउने व्यक्ति भएको प्रतिक्रिया दिएका थिए ।
