झापाको बिर्तामोडमा प्रथम गुरुभक्त न्यौपाने मेमोरियल इन्टर स्कुल नकआउट फुटबल प्रतियोगिता २०८२ हुने भएको छ ।
बिर्तामोड-४ मा अवस्थित कञ्चनजङ्गा इङ्लिस सेकेन्डरी स्कुलको आयोजनामा आजदेखि प्रतियोगिताको आयोजना गरिएको स्कुलका संस्थापक प्रिन्सिपल डाक्टर केशवराज न्यौपानेले जानकारी दिए ।
उनले विद्यालयका संस्थापक तथा निर्देशक शिक्षा क्षेत्रका अग्रज व्यक्तित्व गुरुभक्त न्यौपानेको स्मृतिमा फुटबल प्रतियोगिताको आयोजना गरिएको जानकारी दिए । विद्यार्थीहरू भित्र रहेको अन्तर्निहित क्षमतालाई उजागर गर्न र विद्यार्थीहरूलाई मानसिक तथा स्वस्थ राख्नका लागि प्रतियोगिताको आयोजना गरिएको डाक्टर न्यौपानेले बताए ।
उनले प्रथमपटक आयोजना गरिएको यस प्रतियोगितामा यतावन नगर क्षेत्रभित्र रहेका सामुदायिक तथा संस्थागत विद्यालयहरूले सहभागिता जनाउने जानकारी दिए । आगामी दिनमा यस कार्यक्रमलाई बृहत बनाउँदै झापा जिल्लाभरिका स्कुलहरूलाई समेट्ने योजना समेत बनाएको विद्यालयले जनाएको छ ।
विजेता विद्यालयले आकर्षक ट्रफी सहित नगद १० हजार मेडल र प्रमाणपत्र प्राप्त गर्नेछन् भने दोस्रो हुने विद्यालयले नगद ६००० ट्रफी मेडल र प्रमाणपत्र प्राप्त गर्नेछन् ।
त्यस्तै तेस्रो हुने विद्यालयले नगद ४,५०० ट्रफी मेटल र प्रमाणपत्र प्राप्त गर्नेछन् भने विधागत उत्कृष्ट खेलाडीहरूलाई पनि ट्रफी प्रदान गरिने प्रतियोगिता संयोजक दिपक सिटौलाले जानकारी दिए ।
