लायन्स क्लब अफ धाइजन चारआलीले एक विपन्न विद्यार्थीलाई कक्षा १२ सम्म नि:शुल्क पढाउने घोषणा गरेको छ ।
क्लबले मेचीनगर नगरपालिका वडा नं.१२ निवासी अनुप धिमाललाई कक्षा १२ सम्मको सम्पूर्ण पढाई खर्च व्यहोर्ने घोषणा गरेको हो ।
मेचीनगर-१२ सहरेडाँगीमा अवस्थित श्री सरस्वती बालकल्याण माविमा कक्षा २ मा अध्ययनरत धिमाललाई आउने शैक्षिक सत्रदेखि कक्षा १२ सम्म लाग्ने विद्यालयको शुल्क, स्टेशनरी तथा ड्रेसको खर्च व्यहोर्ने गरी अभिभावकत्व ग्रहण गरेको लायन्स क्लब अफ धाइजन चारआलीका अध्यक्ष सुमन चिमरियाले जानकारी दिए । चिमरियाको जन्मदिनको अवसर पारेर क्लबले धिमालको अभिभावकत्व ग्रहण गरेको हो ।
लायन्स क्लब अफ धाइजन चारआलीका अध्यक्ष सुमन चिमरियाको अध्यक्षतामा भएको कार्यक्रममा वडा नं.१२ का वडाध्यक्ष मधुसुदन निरौला, लायन्स क्लब अफ इन्टरनेशलनल डिस्ट्रिक्ट ३२५ सीका फर्स्ट भाइस डिस्ट्रिक्ट गभर्नर लिला चिमरिया, मनोज बस्नेत, एरिया चिफ साजन थापा, रिजन चेयर पर्सन पार्वता गिरी, जोन चेयर पर्सन जगन्नाथ भट्टराई, विद्यालयका प्रधानाध्यापक शुक्रराज घिमिरे, लायन्सका पदाधिकारी तथा सदस्य लगायतको सहभागीता रहेको थियो ।
डिष्ट्रिक्ट हरिप्रसाद घिमिरेले स्वागत गरेको कार्यक्रमको सञ्चालन आइपीपी टीकाराम रिजालले गरेका थिए ।
