५ चैत, बिर्तामोड । बिर्तामोड ९ मा उज्यालो चिन्तन चौतारी होटल एण्ड रिसोर्टले संगीतप्रेमीहरुका लागि युवा गायकलाई भित्राउने भएको छ । गायक कमल खत्री र गायिका एलिना चौहान लाई चैत ६ गते शुक्रबार एउटै स्टेजमा उतारिने भएको हो।कोरोना बाट थलिएको पर्यटन क्षेत्रलाई उठाउन रिसोर्टले विभिन्न कार्यक्रम गर्दै आएको संचालक प्रकाश बुढाथोकीले बताए। रिसोर्टले यश अघि २०२१को नयाँ वर्षमा लिजार्ड ब्यान्डलाई ल्याएको सो रिसोर्टले माघ ९ गते आस्था राउत , भ्यालेन्टाइन डेमा दिपक लिम्बूलाई बोलाएर मनोरंजन दिलाएको थियो ।
उनले आफूले राष्ट्रिय कलाकारसँगै स्थानीय कलाकारहरुलाई पनि प्राथमिकता दिएको जानकारी दिए ।‘व्यावसायिक , सामाजिक र मनोरंजनसँगै कलाकारको कलालाई सम्मान गरेका छौं’उनले भने ,‘राम्रो प्रतिभा भएका स्थानीय कलाकारहरुलाई पनि उत्तिकै प्राथमिकता दिएका छौं । युवा पुस्तामा लोकप्रिय कलाकारलाई स्थानीय क्षेत्रको व्यावसायिक तथा पर्यटनको क्षेत्रमा टेवा पुग्ने संचालक बिन्दा बुढाथोकीले बताईन।
