बिर्तामोडमा विद्यार्थी र अभिभावकलाई शैक्षिक परामर्श

संवाददाता/ सोमबार, पुष २८, २०८२

मारवाडी सेवा समिति बिर्तामोडले एक दिने विद्यार्थी-अभिभावक शैक्षिक परामर्श कार्यक्रम अन्तरगत ‘नयाँ दिशा’ को आयोजन गरेको छ ।

संस्थाका अध्यक्ष बिजय कुमार गोयलको अध्यक्षतामा भएको कार्यक्रममा कक्षा ८ देखि १२ सम्मका करिव ७० जना विद्यार्थीसहित दुई सयभन्दा धेरै अभिभावकहरुको उपस्थिति रहेको थियो ।

कार्यक्रममा डा.अजय अग्रवाल, डा.सन्ध्या राठी, सिए डिम्पल जोशी, बिष्णु सिङल, राजिव जैन, मिलेश अग्रवाल, जानवी खेडिया, एकता बंशल लगायतले विभिन्न विधामा विद्यार्थी तथा अभिभावकहरुलाई मार्गदर्शन गरेका थिए ।

कार्यसमिति सदस्य पंकजकुमार मितलको संयोजकत्वमा भएको कार्यक्रममा विद्यार्थीहरुलाई नैतिक शिक्षादेखि अभिभावकले गर्नु पर्ने काम र कर्तत्यको विषयमा समेत जानकारी गराइएको थियो ।

प्रियङ्का झवरले सहजिकरण गरेको कार्यक्रमको सञ्चालन सचिव गौरीशंकर गुप्ता टिन्कुले गरेका थिए ।