शिक्षालय तथा माध्यमिक विद्यालय संघ नेपाल (हिसान)को नयाँ नेतृत्व चयन भएको छ ।
शनिबार सम्पन्न निर्वाचनबाट अध्यक्षमा युवराज शर्मा विजयी भएका छन् ।
शर्माले १६० मत प्राप्त गर्दै अध्यक्षका अर्का प्रतिस्पर्धी लोकबहादुर भण्डारीलाई पराजित गरेका हुन् । भण्डारीले १०६ मत प्राप्त गरेका थिए ।
त्यसैगरी वरिष्ठ उपाध्यक्षमा डा.स्वागत श्रेष्ठले १४७ मत र टंकराज आचार्यले १०३ मत प्राप्त गर्दै विजयी भएका छन् । सो पदमा उम्मेदवार रहेका भेषराज पोखरेलले १००, बाबुराम पन्तले ७८ र जीवन प्रकाश शर्माले ३७ मत प्राप्त गरेका छन् ।
त्यस्तै महासचिव पदमा रामहरी सिलवाल निर्वाचित भएका छन् । उनले १४८ मत प्राप्त गर्दा उनका निकटतम प्रतिद्वन्दी जयराम खनालले ११८ मत प्राप्त गरेका थिए ।
त्यसैगरी सचिवतर्फ सात जना निर्वाचित भएका छन् । निर्वाचन परिणामअनुसार कृष्णप्रसाद पौडेल, जीवन लामा गोले, पारस श्रेष्ठ, भवानीप्रसाद पौडेल, घनबहादुर रोक्का, राजेश कार्की र बलराम पन्त विजयी भएका छन् ।
