झापाको बिर्तामोडमा अवस्थित मनकामना कलेजको बस ठूलो दुर्घटना हुनबाट जोगिएको छ ।

बस आज बिहान विद्यार्थी लिएर कलेज आउने क्रममा लक्ष्मीपुर चोकमा आइपुग्दा ब्रेकमा केही समस्या आएको थियो । उक्त समस्याबाट हुनसक्ने ठुलो दुर्घटना रोक्न बाटो साईडमा राखिएको गमलामाथि नै बस कुदाउनु परेको जनाइएको छ ।

Advertisement

यसैबीच उक्त दुर्घटनाको सिसिटिभि फुटेज सामाजिक सञ्जालमा भाइरल भएपछि कलेज प्रशासनले दुर्घटनामा कुनै पनि मानवीय तथा बसमा समेत क्षति नभएको जनाएको छ ।

पछिल्लो समय स्कूल-कलेजका गाडीहरु तिव्रगतिमा चलाउने स्थानीयस्तरबाट धेरै नै गुनासो आउने गरेका छन् । यस्ता विषयमा प्रहरीले पनि आवश्यक निगरानी गर्न जरुरी देखिन्छ ।