निजी तथा आवासीय विद्यालय अर्गनाइजेशन नेपाल प्याब्सन झापाद्वारा आयोजित जिल्लास्तरीय खेलकुद कार्यक्रम सम्पन्न भएको छ ।
प्रतियोगिता मंसिर १२ र १३ गते कमल गाउँपालिकास्थित केर्खा खेल मैदानमा सम्पन्न भएको हो ।
प्रतियोगितामा प्याब्सन झापा अन्तर्गतका १५ वटा पालिकाबाट पालिका प्रथम भएर आएका विद्यालय बीच माध्यमिक तह कक्षा १० सम्मको छात्र-छात्रा भलिवल तथा कक्षा १२ सम्मको छात्र-छात्रा भलिवल खेल सञ्चालन भएको थियो ।
मावि तह कक्षा १० सम्मको छात्र भलिवल खेल तर्फ इन्सपायर अंग्रेजी विद्यालय दमक प्रथम, एभरेष्टभ्यू मेचीनगर द्वितीय, विद्योदय कनकाई र एस.एस.निकेतन भद्रपुर तृतिय भएका छन् ।
त्यस्तै छात्रा तर्फ ग्लोबल एडुकेयर कनकाई प्रथम, प्रजिता दमक द्वितीय, माउण्ट एभरेष्ट गौरादह र लालिमा कमल तृतिय भएका छन् ।
त्यसैगरी कक्षा १२ सम्मको छात्र भलिबल तर्फ निदी बिर्तामोड प्रथम, पशुपती कनकाई द्वितीय, सिद्धार्थ भद्रपुर र सिद्धार्थ दमक तृतीय भएका छन्
त्यस्तै छात्रा तर्फ निदी बिर्तामोड प्रथम, रुपरत्न अर्जुनधारा द्वितीय, एस.एस निकेतन र सिद्धार्थ दमक तृतीय स्थान प्राप्त गर्न सफल भएका छन् ।
प्याब्सन झापाका अध्यक्ष छत्रबहादुर कार्कीको अध्यक्षता भएको प्रतियोगिता समापन समरोहमा नेपाली सेना सहायक रथी २१ नं.वाहिनी पति मनि कुमार श्रेष्ठ प्रमुख अतिथि रहेका थिए
उक्त अवसरमा वरिष्ठ प्रहरी उपरीक्षक सशस्त्र प्रहरी बल पाँडाजुगी झापाका रमेश कुमार पाण्डे, प्रनाउ इलाका प्रहरी कार्यालय दमक झापाका किशोर लम्साल, नेपाली सेना मेजर २१ नं.वाहिनी प्रकाश वाबु कार्की, प्याब्सन केन्द्रिय सल्लाहकार नारायणप्रसाद घिमिरे, केन्द्रिय सदस्य श्रवण पोखरेल, प्याब्सन कोशी प्रदेश उपाध्यक्ष इशुभ पाण्डे, प्रदेश सचिव गौरीमान फागो, प्रदेश सदस्य भानु राजवशी, इष्टु झापा अध्यक्ष होमराज खतिवडा, जिल्ला सल्लाहकार प्रभु कुमार श्रेष्ठ, खेलकुद संयोजक अमृत कुमार तिम्सिना, जिल्ला पदाधिकारी, पालिका अध्यक्ष, खेलकुद समिति सदस्य लगायतको उपस्थिति रहेको थियो ।
खेलकुद कार्यक्रमा अतिथिहरुलाई प्याब्सन झापाका वरिष्ठ उपाध्यक्ष हरिकृष्ण पाठकले स्वागत गरेको कार्यक्रमको सञ्चालन प्याब्सन झापाका सचिव लक्ष्मीप्रसाद उप्रेतीले गरेका थिए ।
