बिर्तामोड। नेकपा एमालेको बिर्तामोडस्थित नगर पार्टी कार्यालयमा एमालेको साइन बाेर्ड राखिएको छ ।
आज बिहान आयोजित कार्यक्रमका बीच नेकपा लेखिएको बाेर्ड हटाएर एमालेकाे बाेर्ड राखिएको हो ।
एमाले नगर अध्यक्ष ज्ञानुराम प्रसाईको अध्यक्षतामा आयोजित संक्षिप्त कार्यकमपछि नेकपा लेखिएको बोर्ड हटाएर एमाले लेखिएको बोर्ड राखिएको छ। बोर्ड राख्नु अघि बोल्दै अध्यक्ष प्रसाईले हिजोका सबै कमी कमजोरी विर्सेर अघि बढ्नु पर्ने बताउनुभयो ।
‘सबै तीता मिठा बिर्सेर अघि बढनुकाे विकल्प छैन’ नगर अध्यक्ष प्रसाईले भन्नुभयो- ‘अब पार्टी सुदृढीकरण अभियानमा लाग्नु पर्छ ।’ बाेर्ड राखिरहँदा एमाले कार्यकर्ताले घर फर्किन पाएकाे भन्दै खुशी व्यक्त गरेका छन् ।
सर्वोच्च अदालतले नेकपाको अस्तित्व अस्वीकार गर्दै साविकका दुई पार्टी नेकपा एमाले र माओवादी केन्द व्युताएपछि उनीहरूले आ-आफनो कार्यालय व्यवस्थापन गरिरहेका छन् ।
तीन दिनअघि जिल्ला पार्टी कार्यालयमा पनि नेकपा लेखिएको बाेर्ड हटाएर एमालेकाे बाेर्ड राखिएको थियो ।
