शान्तिको गुँड, ज्ञानको प्यारा
श्री आदर्श मा. वि. हाम्रो तारा ।
बुद्धशान्ती २, जयपुरको शान
शिक्षाको मन्दिर, उज्यालो बिहान ।

शिक्षकहरूको माया, शिष्यको साधना
अनुशासन र मेहनत,यहाँको रचना ।
पढाइको दीप,नैतिकताको बाटो
भविष्य बनाउने, यो विद्यालय साँचो ।

Advertisement

पठनपाठन मात्र होइन, चरित्रको श्रृङ्गार
मानवता सिकाउँछ,बनाउँछ संस्कार ।
खेलकुद, कला, विज्ञान र गीत
सबैमा चम्किन्छ, यहाँको जीत ।

मेरो आर्दश, यो धरोहरको अंश
सपना बोकेर अघि बढ्ने इच्छा अनन्त ।
श्री आदर्शले दिएको साहस र ज्ञान
बन्छ भविष्य, गौरवमय समान ।

जयपुरको भूमि, हाम्रो गौरवमय थलो
जहाँ शिक्षाले भर्छ मनमा उज्यालो ।
यो विद्यालय, हाम्रो जीवनको आधार
श्री आदर्श मा. वि., तिमीलाई सत्कार ।।

लेखक श्री आदर्श मावि बुद्धशान्ती -२ जयपुरमा कक्षा ११ का छात्र हुन् ।