मेरो डान्स युनिभर्स सिजन-२ को फाइनलमा पुग्न सफल झापा अर्जुनधारा-५ की सुसना कोइरालाई भोट गरेर विजेता बनाइदिन आग्रह गरिएको छ ।
वेल फेयर इन्ट्रा फाउण्डेशन अमेरिकाको आयोजनामा भइरहेको विश्वव्यापी प्रतियोगितामा सुसनासहित अभिभावक, शिक्षक र नृत्य विद्यालयले शुक्रवार बिर्तामोड-२ स्थित उनी अध्ययनरत विद्यालय मोहनमाया माविमा पत्रकार सम्मेलन तथा शुभकामना आदानप्रदान कार्यक्रम गरेर भोट गरिदिन आग्रह गरेका हुन् ।
मोहनमाया माविमा इन्जिनियरिङ अध्ययनरत सुसना नृत्यमा मात्र नभएर अध्ययनमा समेत अब्बल छात्रा भएको प्रधानाध्यापक शेरबहादुर श्रेष्ठले बताए ।
बिर्तामोडस्थित गुरुकूल नृत्य संगीत विद्यालयकी सञ्चालक कमला नेम्वाङको अध्यक्षतामा भएको सम्मेलनमा प्रधानाध्यापक श्रेष्ठ, सुसनाकी आमा सानु श्रेष्ठ कोइराला, उक्त संगीत विद्यालयकी फाउन्डर कमला नेम्वाङ, गुरुकूलका नृत्य प्रशिक्षक सुशान्त चेम्जोङले सबैले उनलाई भोट गरिदिन सबेमा आग्रह गरेका छन् ।
धेरै मेहनती सुसना गुरुकुलको गहना भएको भन्दै गुरुकूलका नृत्य प्रशिक्षक सुशान्त चेम्जोङले उनमा भएको प्रतिभालाई सफल बनाउन सबैले सहयोग गर्नुपर्ने बताए । सुसना बिर्तामोडको मात्र नभएर नेपालमै प्रतिभाशाली चेली भएकाले पनि भोट गरेर बिजेता बनाइदिन आग्रह गरिएको छ ।
संसार भरिका नेपालीहरुबाट छनोटमा पर्नु गर्वको कुरा भएको भन्दै प्रतिभासँगै भोटिङले छनोट हुने भएकाले आर्थिक जोहो गर्नुपर्ने भएकाले सबैले साथ र सहयोग गरिदिन पनि आमा सानुले आग्रह गरिन् ।
स्कुलका हरेक क्रियाकलापमा सक्रिय सुसनाको नृत्यकै माध्यमबाट चिनिने ठुलो सपना रहेको बताइन् । उनले यसअघि फ्याक्जिबिलिटि क्विनको उपाधिसमेत जितेकी थिइन् ।
उनलाई भोट गर्नका लागि माई इन्ट्रा एप डाउनलोड गरेर सुसना कोइराला प्रोफाइलमा गएर एसएमएसमा MDU 12 टाइप गरेर ३७००० मा सेन्ट गरेर भोट गर्न सकिने सुसानाले बताइन् । विदेशबाट माई इन्ट्रा एप डाउनलोड गरेर मेरो डान्स युनिभर्स क्लिक गरेर कन्टे«न्सनको प्रोफाइनलमा गई भोट गर्न सकिने र आगामी भदौ २ गते राति १० बजेदेखि भदौ ७ गतेसम्म भोट गर्न सकिनेछ ।
