बिर्तामोड, २० साउन । झापाको गौरादह–९ झमकचोककी १६ वर्षीया बालिकालाई जवरजस्ती करणी गरी गर्भवती बनाइ फरार रहेका एक पुरुषलाई प्रहरीले पक्राउ गरेको छ।

पक्राउ पर्नेमा सोही स्थानका ५० वर्षीय डिकबहादुर राई रहेका छन्। प्रहरीले आज विहान शिवसताक्षी–६ शिवगञ्जबाट उनलाई नियन्त्रणमा लिएको जिल्ला प्रहरी कार्यालय झापाले जनाएको छ।

Advertisement

गत माघ महिनाको पहिलो हप्तातिर राईले नाबालिगलाई डरत्रास देखाई करणी गरेको र त्यस क्रममा उनी गर्भवती भएको प्रहरीले जनाएको छ। पीडित परिवारले जेठ २८ गते इलाका प्रहरी कार्यालय झिलझिलेमामा जाहेरी दिएका थिए।

दुई महिनादेखि फरार रहेका राईलाई गोप्य सूचनाका आधारमा पक्राउ गरिएको हो। उनलाई मुलुकी अपराध संहिता २०७४ अन्तर्गत ‘जबरजस्ती करणी’को कसूरमा जिल्ला अदालत झापामा पेश गरी ५ दिनको म्याद थप गरिएको प्रहरीले जनाएको छ।