झापा । बिर्तामोड उद्योग वाणिज्य संघको आगामी फागुन १६ गते हुने निर्वाचनमा अधिकांश सञ्चार माध्यमका सञ्चालकले सुवास भट्टराई नेतृत्वको संयुक्त व्यवसायीक प्यानललाई सहयोग गर्ने प्रतिबद्धता जनाएका छन्।
महासचिवका उम्मेद्वार अर्जुन मैनालीसहित शुक्रबार बिर्तामोडमा भएको अन्तरक्रियामा बिर्तामोड केन्द्रीत दैनिक पत्रिका, अनलाइन, साप्ताहिक पत्रिका, टेलिभिजनलगायतले भट्टराईलाई सहयोग गर्ने प्रतिवद्धता जनाएका हुन् ।
एकछत्र नेतृत्वमा रहेको कांग्रेस समर्थकले संघको हितका लागि यसअघि गरेको प्रतिवद्धता पूरा नगरेको भन्दै नयाँ नेतृत्वको आवश्यक रहेको उनीहरुले बताएका छन् । पटक पटक गरेको प्रतिवद्धता पूरा नगरेकाले यसपटक नयाँ नेतृत्वलाई विजयी गराउन सबै व्यवसायीलाई उनीहरुले अपिल समेत गरेका छन् ।
नयाँ नेतृत्वले व्यापारी, व्यवसायीको पक्षमा सक्रियताका साथ सहभागी हुने प्रतिवद्धता जाहेर गरेको छ । यसअघि शिक्षक महासंघ, टेम्पो व्यवसायी संघ, कपडा सिलाई व्यवसायी संघलगायतले भट्टराई नेतृत्वको प्यानललाई सहयोग गर्ने प्रतिवद्धता जनाइसकेका छन् ।
