१४ फाल्गुन, बिर्तामोड । आफ्नो नेतृत्वको संयुक्त व्यावसायिक प्यानललाई जिताउन व्यवसायी उत्साहित र आतुर भएको संयुक्त व्यवसायीक प्यानल अध्यक्षका उम्मेद्वार सुवास भट्टराईले बताएका छन् । फागुन १६ गते हुने बिर्तामोड उद्योग वाणिज्य संघको निर्वाचन नजिकिदै गर्दा मतदाताले नयाँ टिमको चाहाना राखेको देखिन्छ ।
विहिवार भद्रपुररोड र अतिथि सदनका व्यवसायीहरुसँगको भेटघाटमा उनीहरुले संघमा केहि फरक गर्न नयाँ नेतृत्वको आवश्यक रहेको बताएका छन् ।
उम्मेद्वारसहित पार्टीका स्थानीय नेता तथा जनप्रतिनिधि सहितको एकसय ५० जना वढिको टोलीले प्रत्येक व्यवसायी तथा मतदातासँग भेटेर उनीहरुका समस्या र संघको कार्यसम्पादनका विषयमा चर्चा गरेको महासचिवका उम्मेद्वार अर्जुन मैनाललीले जानकारी दिए ।
व्यवसायीको चाहाना र आवश्यकतालाई ध्यानमा राखेर कार्य गर्ने प्रतिवद्धता गर्दै आएका अध्यक्षका उम्मेद्वार भट्टराईले भने ‘संयुक्त व्यवसायीक प्यानलको जित पक्का छ ।’ सवै व्यवायीको चाहाना पनि उस्तै भएको उनले बताए ।
