झापाको भद्रपुर नगरपालिकामा जनकल्याण प्रतिष्ठानले १० वटा बाल सस्कार केन्द्र स्थापना गरेको छ ।
बालबालिकाहरुमा सस्कार र सस्कृतिको ज्ञान प्रदान गर्ने उद्देश्यले प्रतिस्ठानले एकल विद्यालय अभियान अन्तर्गत बाल सस्कार केन्द्रको स्थापना गरेको हो ।
भद्रपुर नगरपालिका वडा नं.२ स्थित राधाकृष्ण मन्दिरको सभाहलमा शनिबार राधाकृष्ण बाल सस्कार केन्द्रको स्थापनासँगै १० वटा बाल सस्कार केन्द्र सञ्चालन भएका छन् ।
राधाकृष्ण मन्दिर समितिका पूर्व अध्यक्ष डम्मर खनालको अध्यक्षता र वडा नं.२ का वडाध्यक्ष राम कडेलको प्रमुख आतिथ्यमा सम्पन्न बाल सस्कार केन्द्र उदघाटन कार्यक्रममा प्रमुख अतिथि कडेल, प्रतिष्ठानका प्रदेश सदस्य इश्वर पोखरेल, खिनमाया फुयल, हेम खनाल, आशा पोखरेल लगायतले बालबालिकाहरुमा सस्कार र संस्कृतिको महत्व बारेमा चर्चा गरेका थिए ।
मन्दिर समिति सचिव राम घिमिरेले स्वागत गरेको कार्यक्रमको सञ्चालन राजेन्द्र ओलीले गरेका थिए ।
यसैबीच जनकल्याण प्रतिष्ठानको एकल विद्यालय अभियान अन्तर्गत भद्रपुर-९ को केदारेश्वर बाल सस्कार केन्द्रलाई भद्रपुर नगरपालिकाका उपमेयर राधा कार्कीले शनिबार नै चार थान सिलिङ फेन र शैक्षिक सामाग्री प्रदान गरेकी छिन् ।
केदारेश्वर मन्दिर समिति अध्यक्ष भगिरथ नेपालको अध्यक्षता र बिरेन्द्र मल्लको सञ्चालनमा सम्पन्न कार्यक्रममा उपमेयर कार्कीले उक्त सामाग्री प्रदान गरेकी थिइन् ।
