झापा । अर्जुनधारा प्रेस क्लवको दोश्रो साधारणसभा आईतबार समपन्न भएको छ ।
अर्जुनधारा १ स्थित हचुमासा सामुदायीक बनमा रहको पर्यटकिय क्षेत्र हात्तिआहालमा सम्पन्न साधारणसभामा अध्यक्ष कुमार भट्टराईले क्लवको आफ्नै भवन निर्माण गर्ने योजना सुनाउनुभयो ।
जसका लागि पूर्व सामान्य प्रशासन मन्त्री केशवकुमार बुढाथोकीले आवश्यक जमिन निःशुल्क प्रदान गर्ने प्रतिबद्धता जनाउनुभयो ।
नगरका पत्रकारको विकासका लागि क्लवको भवन निर्माण गर्न लागेको अध्यक्ष भट्टराईले बताउनुभयो ।
कार्यक्रमका प्रमुख अतिथि समेत रहेका नगर प्रमुख हरिकुमार रानाले पत्रकारका लागि निर्माण हुने भवनका लागि सहयोग गर्ने आश्वसन दिनुभयो।
त्यसैगरी बिबिसि संवाददाता पत्रकार उमाकान्त खनालले भवन निर्माणपछि आफुसँग भएका पत्रकारलाई आवश्यक सामाग्री उपलब्ध गराउने प्रतिवद्धता ब्यक्त गर्नुभयो ।
त्यसैगरी हचुमासा सामुदायिक वन उपभोक्ता समुहका अध्यक्ष युवराज लोहार, क्लवका सल्लाहकार दिपिन राई, कृष्ण वराललगायतले पनि आफुहरुले सकेको सहयोग गर्ने बचन दिनुभयो । क्लवका भट्टराईको अध्यक्षतामा भएको कार्यक्रममा स्वागत उपाध्यक्ष रमेश समदर्शी राईले गर्नुभयो भने सञ्चालन सचिव प्रेम आचार्यले गर्नुभयो।
