झापाली समाज इजरायलले आफ्नो घर आश्रमलाई आर्थिक सहयोग गरेको छ ।

समाजको परोपकारी कार्य अन्तर्गत आफ्नो घर आश्रम झापा शाखा बिर्तामोड-५ मा रहेका अनाथ बालबालिकाहरूका लागि १ लाख दुई हजार आर्थिक सहयोग गरेको हो । आर्थिक सँगसँगै समाजले लुगा धुने वासिन मेसिन र फ्रिज पनि एक कार्यक्रमका बीच हस्तान्तरण गरेको जनाएको छ ।

Advertisement

त्यसैगरी झापाली समाज इजरायलको छात्रवृत्ति अक्षय कोष अन्तर्गत शैक्षिक सामग्री सहयोग गरेको छ ।

अर्जुनधारा-९ खरबन्दीस्थित बालज्योति आधारभूत विद्यालय, झापा गाँउपालिका-६ शरणामतीस्थित जनता माध्यमिक विद्यालय, मेचीनगर नगरपालिका-१२ सहरेडाँगीस्थित सरस्वती बालकल्याण माध्यमिक विद्यालय र हल्दीबारी गाँउपालिका-१ स्थित दुर्गादेवी आधारभूत विद्यालयमा एक लाख पाँच हजार तीन सय रुपैयाँ बराबरको शैक्षिक सामग्रीहरू सहयोग गरेको समाजले जनाएको छ ।