झापा । बिर्तामोड नेपाल कपडा तथा सिलाई व्यवसायी संघ झापाले फेशन डिजाइन तथा कोट कटिङ तालिम समापन गरेको छ ।
झापाका ३ वटा नगरपालिका तथा एउटा गाउँपालिकामा पुस २२ गतेदेखि आयोजना गरेको तालिम शनिवार बिर्तामोडमा समापन गरेको हो ।
संघका झापा अध्यक्ष दिलिप सुन्दासको अध्यक्षतामा सम्पन्न कार्यक्रममा प्रमुख अतिथि नेपाल कपडा तथा सिलाई व्यवसायी महासंघका अध्यक्ष रामकृष्ण श्रेष्ठको प्रमुख आतिथ्यता रहेको थियो ।
झापाको बिर्तामोड, कनकाई मेचीनगर नगरपालिका तथा बुद्धशान्ति गाउँपालिकामा भएको तालिममा ३ सय जना प्रशिक्षार्र्थी सहभागी रहेका र सबै व्यावसायिक रहेका महासंघका केन्द्रिय सदस्य हरि नेपालीले जानकारी दिनुभयो ।
समापन कार्यक्रममा तालिममा सहभागी प्रशिक्षार्थीलाई प्रमाणपत्र वितरण तथा पुराना व्यवसायीलाई सम्मान गरिएको थियो । व्यवसायीको क्षमता विकास गर्ने उदेश्यले तालिमको आयोजना गरिएको हो ।
तालिम तथा प्रमाणपत्र वितरणमा करिव ९ लाख रुपैयाँ खर्च भएको अध्यक्ष सुन्दासले बताउनु भयो । तालिमको सहजीकरण कोटको राष्ट्रिय प्रशिक्षक मिलन नेपाली र फेशन डिजाइनको सारदा श्रेष्ठ, संगिता गौतम र यामुना रोकायाले गर्नु भएको थियो ।
स्वागत संघका उपाक्ष्यक्ष रमेश शिवाले गरेको कार्यक्रममा महासंघका उपाक्ष्यक्ष फिरोज अली, केन्द्रिय सदस्य हरि नेपाली, सन्त परियार, ज्ञानु श्रेष्ठ, राजन दर्नाललगायतको उपस्थिति रहेको थियो । कार्यक्रमको सञ्चालन संघका सचिव महेन्द्र दासले गर्नु भएको थियो ।
