झापा । नेपाल कपडा तथा सिलाई व्यवसायि संघ जिल्ला कार्यसमिती झापा र अर्जुनधारा नगरपालिकाको सहयोगमा फेसन डिजाईन सप्ताह ब्यापी तालीम सुरु गरेको छ ।
अर्जुनधारा ७ मा बुधबार एक कार्यक्रमकाविच तालिमको उदघाटन गरिएको हो । प्रमुख अतिथी नगरप्रमुख हरिकुमार रानामगरले नाम मात्रको तालिम लिएर समय नबिताउन आग्रह गर्दै तालिमका लागि मात्र तालिम नभएका कारण यो तालिम पछि दक्ष जनशक्ति उत्पादन हुनेमा आफु विस्वस्त रहेको बताउनु भयो।
उहाँले परम्पागत पेशालाई विभेद रहित पेशा बनाउनु पर्नेमा जोड दिँदै पेशा जातिय पेशा नभएर व्यावसायिक पेशा बनाउन जोड दिनु भयो।
कार्यक्रममा अर्जुनधारा नगरपालिका वडा नं. ७ का वडा अध्यक्ष नवराम ढुंगाना तथा नगरकार्यपालिका सदस्य रमेश तिखत्रीले आ- आफ्नो भनाई राख्नु भएको थियो। दक्ष जनशत्ति नभएका कारण फेसनमा समस्या आएको र तालिमले दक्ष जनशक्ति उत्पादन गर्नेमा आफुहरुले विश्वास लिएको बताउनु भयो।
तालिम झापाको ६ वटा स्थानीयतहमा संचालन भएको संघले जनाएको छ । नेपाल कपडा तथा सिलाई व्यवसायि संघका केन्द्रिय सदस्य हरि नेपालीले संचालन गरेको कार्यक्रममा केन्द्रिय सदस्य तथा कार्यक्रमका संयोजक भोला परियारको अध्यक्षता रहेको कार्यक्रममा प्रशिक्षक यमुना रोक्काले प्रशिक्षण दिने बताईएको छ ।
