झापाको मेचीनगरमा अवस्थित होलिबेल अंग्रेजी माध्यमिक विद्यालयको २४ औं वार्षिक उत्सव विविध कार्यक्रमका बिच बुधबार सम्पन्न भएको छ ।
कार्यक्रममा विद्यालयबाट एसईई परीक्षामा सामेल भइ उत्कृष्ट नतिजा ल्याउने विद्यार्थीलाई सम्मान तथा पुरस्कृत गरिएको थियो ।
त्यस्तै सानो तथा ठूलो कक्षाका विद्यार्थीहरुले एकल तथा सामुहिक नृत्य, गायन, झाँकी एवम् क्षमता प्रस्तुत गरेका थिए ।
मेचीनगर-९ का वडाध्यक्ष कन्चन तामाङ प्रमुख अतिथ्यता तथा विद्यालय व्यवस्थापन समिति अध्यक्ष गोपाल बस्नेतकाे अध्यक्षतामा भएको कार्यक्रमको विशेष अतिथि कवि शिरोमणी माविका प्रधानाध्यापक दामोदर ढुङ्गेल रहेका थिए ।
उक्त अवसरमा मेची उद्योग बाणिज्य संघका निवर्तमान अध्यक्ष ऋषि तिम्सिना, बलभद्र आधारभुत विद्यालयका सहायक प्रधानाध्यापक देबु बानियाँ, विद्यालयका संस्थापक अमृता प्रधान, प्रिन्सिपल अरिस्ता प्रधान, निर्देशक अभिषेक प्रधान लगायतले बोलेका थिए ।
विद्यालयको शैक्षिक, भौतिक र आन्तरिक गतिबिधिका बारेमा प्रिन्सिपल अरिस्ता प्रधानले जानकारी गराएको कार्यक्रममा संस्थापक स्वर्गीय अरुण प्रधानको सम्झनामा दीप प्रज्वलन गरिएको थियो ।
अध्यक्ष बस्नेतले स्वागत मन्तव्य राखेको कार्यक्रमको सञ्चालन चन्द्रमाया सिटौलाले गरेकी थिइन् ।
