केही दिनयता बालबालिकाहरू बिरामी हुने क्रम बढेको छ ।

चिकित्सकहरूका अनुसार बालबालिकामा उच्च ज्वरो आउने, बान्ता हुने, रिंगटा लाग्ने लगायतका विभिन्न शारीरिक समस्या देखिन थालेको छ ।

Advertisement

विद्यालयले अभिभावकलाई आवश्यक सतर्कता अपनाउन आग्रह गरेका छन् भने चिकित्सकहरूले पनि मौसमी फ्लू, कोभिड-१९, वायु प्रदूषण लगायतका कारणले बालबालिका बढी प्रभावित भएको बताएका छन् ।

लामो समय देखि पानी नपर्नु र मौसम परिवर्तन हुने समय भएकाले पनि यसको प्रभाव बालबालिकाको स्वास्थ्यमा देखिन थालेको हो । पछिल्लो समय अस्पतालमा बिरामीको चाप बढ्न थालेको अस्पताल श्रोतले बताएको छ ।