महेश्वरी महिला मञ्च मेचीले विद्यार्थीहरुलाई जुत्ता वितरण गरेको छ ।
मञ्चकी अध्यक्ष रिता चित्तलाङ्गिया एवम् महेश चित्तलाङ्गियाको जन्मोत्सवको अवसरमा जुनकीरी सार्वजनिक आधारभूत विद्यालय एवम् बन्दी सहायता नेपाल अर्जुनधाराद्वारा सञ्चालित बालगृहसहित सय जना विद्यार्थीलाई जुत्ता तथा मोजा वितरण गरिएको महेश चित्तलाङ्गियाले जानकारी दिए ।
फजल खर्च गरि जन्मोत्सव मनाउनु राम्रो होइन बरु असाय आर्थिक बिपन्नता भएको बालबालिकाको आवश्यकतालाई पूरा गर्न पाए त्यही खुसी लाग्ने भएकोले दम्पति सदैव विद्यालय, बृद्ध आश्रम, बालगृह आदिमा प्रत्येक बर्ष यसरी नै मनाउने गरेको बताए । कार्यक्रम सयौं विद्यार्थीहरु बीच केक काटी केकसहित खिर, सब्जी, जेरि, पुरी आदि खुवाएको थियो ।
महेश्वरी महिला मञ्च मेचीले करिब ५ बर्ष यता विद्यालयलाई आवश्यक पर्ने हरेक भौतिक एवम् कपडा, जुत्ता, खाद्यान्न स्टेसनरी आदि सहयोग गर्दै आएकोमा प्रधानाध्यापक रन्जित परियारले विद्यालय एवम् संस्थागत तर्फबाट धन्यवादसहित जन्मोत्सव मनाउने चित्तलाङ्गिया परिवारलाई समृद्धि, दीर्घ जीवन र सहयोगी हात सदैव फैलियोस भदै शुभकामना व्यक्त गरेका थिए ।
सोही अवसरमा सामाजिक व्यक्तित्व ज्योति के शिले विद्यालयलाई मादल, खौजडी र फुटबल हस्तान्तरण गरेका थिए ।
उक्त कार्यक्रमको सहजीकरण मञ्चकी सचिव सुधा तोसनिवालले गरेकी थिइन् ।
