झापाको बिर्तामोड-१ मा सञ्चालित ग्रीन फिल्ड वल्र्ड स्कूलले विविध कार्यक्रम गरी वार्षिकोत्सव मनाएको छ ।
विद्यालयले मंगलवार विभिन्न खेलकूद कार्यक्रमसहित संस्कृतिक कार्यक्रम गरेर वार्षिक उत्सव मनाएको हो ।
विद्यालयकी निर्देशक मनिषा बस्नेतको अध्यक्षतामा भएको कार्यक्रममा बिर्तामोड नगरपालिका शिक्षा युवा तथा खेलकूद शाखा प्रमुख तिलचन भण्डारीको प्रमुख आतिथ्य रहेको थियो ।
उक्त अवसरमा विद्यार्थीले योगा, नाच, गायन, दौडलगायतका खेलकूदका कार्यक्रम प्रस्तुत गरेका थिए भने कार्यक्रम अघि विद्यार्थीहरुले मार्चपाससमेत गरेका थिए । यस्तै अभिभावकहरुबीच समेत खेलकूद कार्यक्रम गरिएको थियो ।
कार्यक्रममा विद्यालयका कार्यकारी निर्देशक आनन्द बस्नेत, बाल्मिकी एजुकेशन फाउण्डेशनका प्रिन्सिपल पवन गिरी, न्यूटन्स एजुकेशन फाउन्डेशनका प्रिन्सिपल देबेन्द्र हुमागाँई, हिसानका कार्यबाहक अध्यक्ष उत्तम खनाल, बिर्तामोड प्याब्सन अध्यक्ष सेरेन्द्र खरेल, नेपाल पत्रकार महासंघ झापाका अध्यक्ष एकराज गिरी, उपाध्यक्ष सुव्रत न्यौपाने लगायतको आतिथ्य रहेको थियो ।
विद्यालयका को-अडिनेटर बर्नाड लामा र विद्यार्थीको तर्फबाट सोफिया प्रसाईले स्वागत गरेको कार्यक्रमको सञ्चालन शिक्षिका सुशिला घिमिरेले गरेकी थिइन् ।
