झापाको बिर्तामोड-९ गरामनीमा अवस्थित दुर्गा माध्यमिक विद्यालयको ६९ औं वार्षिकोत्सव तथा अभिभावक भेला बुधबार सम्पन्न भएको छ ।
विद्यालय व्यवस्थापन समितिका अध्यक्ष कृष्ण पाण्डेको अध्यक्षता भएको कार्यक्रमको प्रमुख अतिथि कोशी प्रदेशका खानेपानी, सिंचाइ तथा उर्जा मन्त्री एकराज कार्की रहेका थिए ।
उक्त अवसरमा कार्यक्रमका प्रमुख अतिथि मन्त्री कार्की, बिर्तामोड नगर प्रमुख पवित्रा महतरा प्रसाई, नगर शिक्षा शाखा प्रमुख तिलचन भण्डारी लगायतले मन्तव्य राखेका थिए ।
बालबालिकाहरुले नृत्य, गायन लगायतका विभिन्न विधामा आ-आफ्ना प्रस्तुति दिएको कार्यक्रममा वडा नं.९ का वडाध्यक्ष हरी चौलागाई, वडा नं.७ का वडाध्यक्ष अबिरल कृष्ण खरेल, नेकपा एमाले नगर अध्यक्ष सुबास भट्टराई, नेकपा माओबादीका नगर अध्यक्ष मोहन सुब्बा, स्थानिय समाजसेवी लगायतको आतिथ्यता रहेको थियो l
प्रधानाध्यापक लक्षमण शिवाकोटीले विद्यालयको गतिविधिका बारेमा प्रष्ट पारेको कार्यक्रममा उत्कृष्ट शिक्षक, पूर्व शिक्षक, कर्मचारी लगायतलाई सम्मान गरिएको थियो ।
विद्यालय व्यवस्थापन समितिका सदस्य गोविन्द सुवेदीले मन्तव्यबाट स्वागत गरेको कार्यक्रमको सञ्चालन शिक्षक धर्मेन्द्र भट्टराई र उमानाथ भण्डारीले संयुक्तरूपमा गरेका थिए । दुर्गा मावि बिर्तामोड नगरपालिकाको वडा नं.७,८,९ को माध्यमिक तहसम्म पढाइ हुने एक मात्र समुदायिक विद्यालय हो ।
