झापाको भद्रपुर-३ सूर्य नगरमा अवस्थित अरनिको माध्यमिक विद्यालयका प्रधानाध्यापक पुरूषोत्तम खरेलले जन्मदिनमा उत्कृष्ट विद्यार्थी सम्मान कार्यक्रम गरेका छन् ।
प्रधानाध्यापक खरेलले आफैँले स्थापना गरेको लक्ष्मी-ललिता खरेल अक्षय कोष मार्फत उत्कृष्ट विद्यार्थीलाई छात्रवृत्ति वितरण गरेका हुन् ।
नगर प्रमुख गणेश पोखरेलको प्रमुख आतिथ्य तथा उपप्रमुख राधा कार्की र प्रअ खरेलकी ममतामयी माताको विशेष आतिथ्यमा कार्यक्रम सम्पन्न गरिएको थियो ।
छात्रवृत्ति कक्षा ८ मा उत्कृष्ट जिपिए ल्याउने छात्रा प्रतिभा सुबेदी ३.८८, कक्षा १२ मा उत्कृष्ट जिपिए ल्याउने तुलसा बडाल ३.१९ र छात्र अनन्त गुरुङ २.७८० लाई जनही ३५५० को दरले रकम वितरण गरिएको थियो ।
आमासँगै आफू कार्यरत विद्यालयमा दिनभर समय बिताउन पाउँदा बाल्यकालीन दिनको सम्झना आएको सुनाउँदै खरेलले आमाले विद्यालय पठाउदाका क्षणहरू अनि आफ्नो शैक्षिक प्रगति र उन्नतिमा बुबा-आमाको त्याग र योगदानलाई वर्तमानमा अनूभुत हुने अवसर प्राप्त गरेको सुखद क्षणहरू आफैँमा एउटा संयोग बनेको बताए ।
सोही कार्यक्रममा अर्का अक्षयकोष दाता हंसबहादुर-लच्छीमाया इदिङगो अक्षयकोषबाट कक्षा १-५ मा उत्कृष्ट जिपिए ल्याउने छात्रा जून खरेलललाई नगद ३५५० सहित सम्मानित गरिएको थियो ।
त्यसैगरी ६-७ कक्षाबाट हिना राई र कक्षा १० एसईईमा उत्कृष्ट जिपिए ल्याउने सम्प्रदा राई पनि ३५५० छात्रवृत्ति प्राप्त गरी सम्मानित भएकी छिन् ।
यसैबीच गत वर्ष भद्रपुर नगरस्तरीय विज्ञान प्रदर्शनीमा नगर प्रथम हुने कक्षा ९ का विद्यार्थीहरूलाई मेडलसहित सम्मान गरिएको थियो ।
