झापा । जन्मदिनको अवसरमा झापाका एक युवाले अनाथ बालिकाको अभिभावकत्व ग्रहण गरेका छन् ।
बिर्तामोड निवासी राष्ट्रीय युवा संघ झापाका बिकास गिरीले आफ्नो जन्मोत्सवको अवसरमा कचनकवल ७ निवासी स्व. राम बहादुर राजबंशी र धनवत्ती राजबंशीकी छोरी सरस्वती राजबंशीको अभिभावकत्व ग्रहण गर्नुभएको हो ।
स्थानीय जनता आधारभुत बिद्यालयमा कक्षा ५ मा अध्ययनरत सरस्वतीको सम्पूर्ण पढाई खर्चको व्यबस्थापन अवदेखि गिरीले गरीदिने हुनुभएको छ ।
यसबर्षको जन्मदिनमा समाजका लागी केहि फरक गर्ने सोच बनाएको थिएँ ,साना किसान चोकमा आयोजीत कार्यक्रममा गिरीले भन्नुभयो -‘सरस्वतीको अभिभावक बन्न पाए ।’
जन्मदिनमा हुने फजुल खर्च कटौती गरी बालबालिकाको शिक्षामा यसरी लगानी गर्ने अवसर जुरेकोमा उहाँले खुशि व्यक्त गर्नुभयो ।
सरस्वतीले केहि समयअघि पिता गुमाएकी थिइन । आफ्नो एक्लो कमाईबाट घरव्यबहार चलाउनुपर्ने भएकाले छोराछोरीको पढाईमा समस्या हुने गरेको अनुभव सुनाउँदै सरस्वतीकि आमा धनवत्तीले अव छोरीले धेरै पढेर अभिभावकको सपना साकार गर्ने भन्दै गिरीलाई धन्यबाद दिनुभयो ।
