झापाको हल्दीबारी गाउँपालिका-१ मा अवस्थित सरस्वती माध्यमिक विद्यालयले ४८ औं वार्षिकोत्सव बिहीबार सम्पन्न गरेको छ ।
विद्यालय व्यवस्थापन समिति अध्यक्ष राजकुमार लिम्खिमको सभापतित्वमा भएको कार्यक्रमको प्रमुख अतिथि हल्दीबारी गाउँपालिका अध्यक्ष रबिन्द्रप्रसाद लिङ्देन रहेका थिए ।
उक्त कार्यक्रममा हल्दीबारी-१ वडाध्यक्ष देबिबहादुर थापा, संस्थापक प्रधानाध्यापक काजीमान घिसिङ्ग, जनजागृति माबि प्रतिनिधि रामबहादुर दाहाल, जागृति क्याम्पस व्यवस्थापन समिति उपाध्यक्ष नरेन्द्र राई (नरेन), १ नम्बर वडाका वडा सदस्यहरू, पूर्व प्रधानपञ्च मानप्रसाद लिङ्देन, पूर्व गाबिस अध्यक्ष नारायणप्रसाद पोखरेल, पत्रकार र स्थानीय अभिभावक, बुद्धिजीवी लगायतको उपस्थिति रहेको थियो ।
शिक्षक रामप्रसाद गुरूङले स्वागत गरेको कार्यक्रममा विद्यालयको विगत, वर्तमान र भाबि योजना तथा शैक्षिक गुणस्तर सुधारका योजना र गतिविधिहरू प्रधानाध्यापक प्रेमकुमार न्यौपाने जानकारी गराएका थिए ।
कार्यक्रममा विद्यालयका संस्थापक व्यवस्थापन समिति सदस्य बमबहादुर मगर, पुरूष तर्फबाट जेष्ठ नागरिक दल बहादुर गुरूङ, महिला तर्फबाट हिमकुमारी गौतम, संस्थापक प्रधानाध्यापक काजीमान घिसिङ, पूर्व प्रधानाध्यापक दिलकुमार नेम्वाङ, पूर्व प्रधानाध्यापक गणेश मान कन्दङ्गवा, पूर्व शिक्षिक लोकेन्द्र राज आङ्गदाम्बे, कार्यरत शिक्षक शिक्षिकाहरूतर्फ रामप्रसाद गुरूङ, धर्मध्वज बेघा, धनमाया आचार्य, सरिता राईलाई सम्मान पत्र, दोसल्लाद्वारा प्रमुख अतिथि र प्रधानाध्यापक लगायतले सम्मान गरेका थिए ।
सोही अवसरमा विद्यालयमा स्थापना गरिएको रैथाने संग्रहालय समेत उद्घाटन गरिएको थियो । संग्रहालयमा पुराना तथा प्राचीन घर गाउमा स्थानीय उत्पादन र दैनिक घरायसी प्रयोग हुने औजारहरूको परिचयसहित संकलन गरि राखिएको छ ।
पूर्व विद्यालय व्यवस्थापन समिति अध्यक्ष तथा पूर्व जनप्रतिनिधि पदम सुन्दर राईको स्मृतिमा उनकी धर्म पत्नि उमा राईसहित परिवारद्वारा स्थापना गरिएको अक्षय कोषलाई ९० हजार थप गरि जम्मा २ लाख १ हजार पुर्याएको थियो ।
उक्त कार्यक्रमको सञ्चालन धर्मध्वज वेगा र मणिराज दंगालले गरेका थिए ।
