बी.एन्ड.सी अस्पताल तथा पुर्वान्चल क्यान्सर अस्पतालले सिंहदेवी माध्यमिक विद्यालयलाई ८ कोठाको दुईतले भवन बनाएर हस्तान्तरण गरेको छ ।

करिब दुई करोडको लागतमा अर्जुनधारा-१ सिस्नेस्थित सिंहदेवी माविलाई खानेपानी ट्यांकीसहित विद्यालय भवन निर्माण गरेर हस्तान्तरण गरिएको हो ।

Advertisement

प्राध्यापक डाक्टर सुरेन्द्र केसीको प्रमुख आतिथ्यमा भएको विद्यालयको ६६ औं वार्षिकोत्सवका अवसरमा अस्पतालका सञ्चालक दुर्गा प्रसाईं, अध्यक्ष इन्दिरा गिरी, प्रसाईंका छोरा डा. निरज, बुहारी अन्जली प्रसाईंलगायतले विद्यालयलाई भवन हस्तान्तरण गरेका हुन् ।

सिंहदेवी माविले प्रसाईंसँग खानेपानीको ट्यांकी निर्माण गरिदिन आग्रह गरेको थियो तर उनले विद्यालयलाई करोडौंको विद्यालय भवन नै बनाइदिएका हुन् ।