झापाको शिवसताक्षी नगरपालिका वडा नं.८ ले चारवटा सामुदायिक विद्यालयलाई ल्यापटप र कम्प्युटर प्रदान गरेको छ ।
वडामा रहेका चारवटा सामुदायिक विद्यालयलाई सहयोग स्वरूप ल्यापटप, कम्प्युटर र प्रिन्टर प्रदान गरिएको वडाध्यक्ष सन्त फेउदिनले जानकारी दिए ।
अरुणोदय, सरस्वती र भगवती आधारभूत विद्यालय तथा झिलझिले माध्यमिक विद्यालयले एक-एक थान ल्यापटप र प्रिन्टर प्रदान गरिएको थियो । चारवटा विद्यालयलाई ३ लाख ५० हजार बराबरको सहयोग सामग्री हस्तान्तरण गरिएको हो ।
वडा कार्यालयमा मंगलबार आयोजित संक्षिप्त समारोहका बीच नगरप्रमुख मेगाहाङ थोप्राले सम्बन्धित विद्यालयलाई ती सामग्री हस्तान्तरण गरेका थिए ।
विद्यालय शिक्षालाई प्रविधिमैत्री बनाउँदै लैजाने नीतिअनुरूप वडाले ती सामग्री प्रदान गरेको वडाध्यक्ष फेउदिनले बताए ।
अरुणोदय आधारभूत विद्यालयकी प्रधानाध्यापक ताराकुमारी लावतीले शैक्षिक सुधारका लागि वडाको सहयोग महत्वपूर्ण भएको बताएकी छन् ।
