झापा गाउँपालिका वडा नं.१ लसुनामा अवस्थित अमरसिंह प्राथमिक विद्यालयका विद्यार्थीहरुलाई सुरुङ्गा जेसीजले न्यानो कपडा र स्टेशनरी सामग्री वितरण गरेको छ ।
चिसो मौसम सुरु भएसँगै ग्रामीण क्षेत्रमा रहेका सामुदायिक विद्यालयमा अध्ययनरत निम्न आय भएका परिवारका छोराछोरीहरु जाडोकै कारण पठनपाठनबाट बन्चित हुनु पर्ने अबस्थाबाट थोरैलाई भएपनि राहत मिलोस् भन्ने उद्देश्यले शुक्रबार सुुरुङ्गा जेसीजले अमरसिंह प्राथमिक विद्यालयका १ सय १० जना विद्यार्थीलाई न्यानो कपडा र स्टेशनरी सामग्री वितरण गरेको हो ।
श्रेष्ठ ज्वेलर्स सुरुङ्गाका सञ्चालक प्रविन श्रेष्ठ, सपना श्रेष्ठका आमा चन्दा श्रेष्ठले स्वर्गीय पति गौरीलाल श्रेष्ठको स्मृतिमा गरिएको विशेष सहयोग र सुरुङ्गा जेसीजका पूर्व अध्यक्षहरुबाट सहयोग प्रदान गरिएको सुरुङ्गा जेसीजका बर्ष २०२४ का अध्यक्ष दुर्गा पाठक राजुले जानकारी दिए ।
सुरुङ्गा जेसीजका अध्यक्ष दुर्गा पाठक राजुको अध्यक्षता तथा झापा गाउँपालिकाका कार्यवाहक अध्यक्ष अन्जुदेवी थपलियाको प्रमुख आतिथ्यमा कार्यक्रम भएको थियो ।
उक्त अवसरमा प्रमुख अतिथि कार्यवाहक अध्यक्ष थपलिया, जेसीजको पूर्व अध्यक्षका तर्फबाट उषा उदुका उप्रेतीलगायतले बोलेका थिए भने कार्यक्रमको सञ्चालन जेसीजका महासचिव रिसवसिंह चहारले गरेका थिए ।
