बिर्तामोडमा अवस्थित इर्डन गार्डेन एजुकेशन फाउण्डेशनले राष्ट्रिय संस्कृतिलाई संरक्षण गर्ने हेतुले राष्ट्रिय टोपी दिवस मनाएको छ ।
उक्त अवसरमा बृहत प्रभातफेरीको समेत आयोजना गरिएको थियो । विद्यालय परिसरबाट सुरु भएको प्रभातफेरी मुक्तिचोक परिक्रमा गर्दै पुरानो भद्रपुर हुँदै विद्यालयमा पुगि समापन गरिएको थियो ।
विद्यालय व्यवस्थापन समितिका अध्यक्ष समिक्षा सिटौलाको अध्यक्षतामा सम्पन्न कार्यक्रममा प्रभातफेरीमा विशेष ट्राफिक व्यवस्थापनमा सहयोग गरेको भन्दै जिल्ला ट्राफिक प्रहरीका सहायक हवल्दार सुनिल थापालाई माया चिनो प्रदान गरिएको थियो ।
विद्यार्थीहरुलाई संस्कृति र परम्परासँग परिचित गराउन विद्यालयले टोपी दिवसको आयोजना गरेको प्रधानाध्यापक मोहन आचार्यले बताए ।
उनले पठन सिपकलासँगै पहिचानको संरक्षणमा विद्यार्थीहरुको भुमिका बढाउन कार्यक्रम गरिएको बताएका छन् ।
शिक्षक कमल अधिकारीले स्वागत गरेका थिए भने विद्यार्थी गोमा मैनालीले टोपी दिवसको औचित्य माथी प्रकाश परेको कार्यक्रमको सञ्चालन शैक्षिक कोअडिनेटर गिताराम आचार्यले गरेका थिए ।
